Янгиликлар

📣📣📣Жорий йилнинг биринчи 10 кунлигида Қувасой шаҳрининг бир қатор умумтаълим мактабларида «Юксак салоҳият» жамоат бирлашмаси Фарғона филиали томонидан «Давлат хизматлари – янги даража!» лойиҳаси доирасида 7 та мини-тренинг ўтказилди.
☄️Тренинг давомида мактабларнинг юқори синф ўқувчиларига давлат хизматлари тўғрисида нафақат зарур билим ва кўникмалар, балки ёшларнинг ҳаётларига керак бўлган бошқа билимлар ҳамда турли тарқатма материаллар ҳам берилди. Тренинг иштирокчилари юқори фаоллик кўрсатишди.
📌Ушбу ташаббус Ўзбекистон Республикасида Deutsche Gesellschaft für Internationale Zusammenarbeit GmbH (Германия Халқаро ҳамкорлик жамияти) ва Германия Иқтисодий ҳамкорлик ва тараққиёт федерал вазирлиги (BMZ) томонидан молиялаштирилаётган «Самарали давлат бошқаруви» дастури доирасида амалга оширилди.

Фарғона водийси бугунги кунда — мулоқот ва умумий фаровонлик йўлидаги биргаликдаги ишга асосланган, янги қўшничилик фалсафасининг рамзидир.
📣📣📣15–16 октябрь кунлари Фарғонада юқори савияда «Фарғона водийси: тинчлик ва тараққиёт йўлида саъй-ҳаракатларни бирлаштириш» номли Фарғона тинчлик форуми бўлиб ўтмоқда. Бу Марказий Осиёда ҳамкорликни мустаҳкамлашга қаратилган муҳим халқаро тадбирдир.
Форумнинг иккинчи кунидаги УЧИНЧИ ПАНЕЛЬ СЕССИЯСИ — «Тинчлик ва трансчегаравий ташаббуслар ҳақида фикрлар – Фарғона водийси жамоаларининг овози»да – «Юксак салоҳият» жамоат бирлашмаси Фарғона филиали координатори Қаландарова Наргиза ташкилот тажрибасини тақдим этди.
Бу тажриба Европа Иттифоқи томонидан молиялаштирилган ва ДВВ Интернешнлнинг Ўзбекистондаги ваколатхонаси ҳамда «Меҳржон» ННТ билан ҳамкорликда амалга оширилган «Аҳоли ўртасида маданий-этник қадриятларни сақлашда ёшларнинг ўрни ва бағрикенглик» лойиҳаси доирасида орттирилган.
🎭Наргиза Қаландарова мураккаб ижтимоий ва миллатлараро масалаларни муҳокама қилишда самарали восита бўлган форум-театрлар билан ишлаш бўйича трансчегаравий тажрибани алоҳида қайд этди.
☄️У «Юксак салоҳият» ЖБ Фарғона филиали - фуқаролар, ёшлар ва аёлларни тинчлик ўрнатиш ва ривожланиш жараёнларига жалб қилиш орқали минтақанинг юқори салоҳиятини қандай ривожлантираётгани ҳақида сўзлаб берди.

📣📣📣Юксак салоҳият» жамоат бирлашмаси Фарғона филиали вилоятимиздаги учта мақсадли маҳаллада “Ёшларнинг одам савдоси олдини олишдаги ўрни ва хавфсиз миграция” лойиҳасини амалга оширмоқда.
‼️Лойиҳанинг асосий мақсадларидан бири – ноқонуний миграцияга самарали муқобил йўлларни яратиш мақсадида, маҳаллий ҳаракат режаларини ишлаб чиқиш орқали маҳаллий ҳамжамиятлар (маҳаллалар) салоҳиятини қўллаб-қувватлашдир.
⚡️Лойиҳа доирасида жорий йилнинг 10 октябрь куни Фарғона шаҳар “Афросиёб” маҳалла фуқаролар йиғинида маҳаллаларни ривожлантириш бўйича ҳаракат режаларини ишлаб чиқишга қаратилган консультатив учрашув ташкил этилди.
☄️Консультатив учрашувда маҳалла оқсоқоллари, аёллар-етакчилари, ёшлар, Республика Миграция Агентлигининг Фарғона бўлими вакиллари, шунингдек, Халқаро Миграция Ташкилотининг (ХМТ) Ўзбекистондаги вакиллари иштирок этди.
🎤Иштирокчилар ўртасидаги жонли муҳокама ушбу мавзунинг нақадар муҳим эканини кўрсатди. Гуруҳларга бўлинган ҳолда, иштирокчилар маҳаллани ривожлантириш ва ноқонуний миграциянинг олдини олиш бўйича таклифларни ишлаб чиқдилар.
🇪🇺Мазкур лойиҳа Халқаро Миграция Ташкилоти (ХМТ) / БМТнинг Ўзбекистондаги Миграция Агентлиги ҳамда Швеция Адлия вазирлиги томонидан молиялаштирилаётган «Швециянинг ноқонуний миграциянинг олдини олиш бўйича ХМТ фаолиятини қўллаб-қувватлашга қўшган ҳиссаси...» дастури доирасида қўллаб-қувватланган.