ЮКСАК САЛОҲИЯТ

"СОҒЛОМ АЁЛ-СОҒЛОМ ОИЛА!"

"Юксак салоҳият" жамоат бирлашмаси Фарғона филиали "Соғлом аёл - соғлом оила!" лойиҳани вилоят соғлиқни сақлаш, вилоят маҳалла ва оилани қўллаб-қувватлаш бошқармалари билан ҳамкорликда амалга оширди.

Фарғона вилояти Марғилон шаҳар, Боғдод, Олтиариқ, Қўштепа, Риштон, Тошлоқ, Фарғона туманлардаги "Аёллар дафтари", "Темир дафтари"да рўйҳатда турган аёлларга репродуктив саломатлик ва ҳуқуқ, эрта никоҳ ва қариндошлар орасидаги никоҳларнинг салбий оқибатлари, репродуктив ёшдаги аёлларда кўкрак саратони профилактикаси, хамда аёлларни ўз ўзларини текширишга ўргатиш масалалари бўйича юқори сифатли ахборот ва хизматларни кўрсатиш мақсадида семинар-тренинглар ташкил этилди ва ўтказилди.

Семинар-тренинглар

2021-йил 11-мартдан 7-апрелгача Марғилон, Олтиариқ, Бағдод, Кўштепа, Риштон, Тошлоқ, Фарғона туманларида маҳалла қўмиталари хотин-қизлар масалалари бўйича маслаҳатчилари, ушбу маҳаллаларнинг патронаж ҳамширалари иштирокида 7 та асосий тренинглар ўтказилди. Барча иштирокчилар тарқатма материаллар олдилар, тушлик уюштирилди. Семинар ҳақидаги маълумотлар ижтимоий тармоқларда, жумладан, Фарғона вилояти ҳокими ҳамда вилоят раҳбарияти томонидан кўриб чиқиладиган гуруҳда ёритилган.

Фарғона тумани

2021-йил 7-апрел куни Фарғона туманида "Юксак салоҳият" Фарғона филиали томонидан маҳалла қўмиталари раис ўринбосарлари ва уларнинг патронаж ҳамширалари учун 7 - якуний семинар бўлиб ўтди. Лойиҳа бўйича 60 киши иштирок этиши керак еди, аммо семинарга қизиқиш шу қадар катта эдики, залда 85 дан ортиқ иштирокчилар, шу жумладан 60 нафар патронаж ҳамширалари тўпландилар. Натижада, эрта никоҳларнинг олдини олиш, кўкрак бези саратонининг олдини олиш соҳасидаги маълумотлар ва янги билимлар режалаштирилганидан кўра кўпроқ эгалланди.. Ва бу бизни хурсанд қилди, демак, натижада биз ушбу минтақада "Аёллар" ва "Темир" дафтарлари рўйхатидаги кўплаб аёлларни қамраб олдик.

"Юксак Салоҳият" Республика жамоат бирлашмаси Фарғона филиали директори З.Ахунова иштирокчиларни "Соғлом аёл - Соғлом оила" лойиҳаси билан таништирди.

Семинар-тренинг давомида "Эрта ва қариндошлар орасидаги никоҳларнинг келажакдаги болалар соғлиғига салбий таъсири" мавзусида Фарғона вилоят репродуктив маркази директори Г.Абдураззоқова, "Аёллар гигиенаси ва урологик муоммолар" мавзусида шифокор-гинеколог Й.Ахмедова, "Аёлнинг соғлом турмуш тарзи - келажакдаги фарзандлари соғлиғининг кафолати" мавзусида лойиҳа координатори Н.Қаландаровалар қизиқарли маърузалар олиб боришди.

Бундан ташқари 2021 йилнинг якунигача тумандаги маҳаллаларнинг репродуктив ёшдаги аёллар ва патронаж ҳамширалари учун ўқув семинарлари ўтказилди. Тиббиёт ходимлари орасида бу масалага бўлган қизиқишнинг ортиши айниқса қувонарлидир, махсус гуруҳ таркибига кирмаган маҳаллалардаги патронаж ҳамширалар учун қўшимча семинарлар ташкил этилиб, буклетлар ва қўлланмалар тарқатилди.

Ушбу лойиҳа Республика "Юксак Салоҳият" жамоат бирлашмаси Фарғона филиалининг "Соғлом аёл - соғлом оила" лойиҳаси доирасида Ўзбекистондаги АҚШ Елчихонаси молиявий кўмаги билан амалга оширилган. Бу ерда билдирилган фикр мулоҳаса, хулоса ёки тавсиялар муаллифларга тегишли бўлиб, АҚШ Хукуматининг расмий нуқтаи назарини акс эттирмайди.